CLAN-FRASER-L Archives

From: b1caez01 <>
Subject: [CLAN-FRASER] Scottish Psalm
Date: Thu, 06 Mar 2003 23:19:27 -0500

The Twenty Third Psalm in Scottish Versions

Version One…

Twenty-third Psalm in Scots

The Almichty's mi Shepherd, I winna be wantin'
He gaurs me lie doon in the gerse that's sae green.
He ta_ks me tae faur calm waters await me,
An soothes mi sair ha_irt wi the love in His een.

Noo, if I gang wi Him, stracht forrit He'll tak me:
In the mirk o' the valley, nae feartie I'll be.
Nae maiter hoo daurk or hoo stormy the nicht is;
Yon rod and yon sta_ff wull aye comfort me.

He gies me mi ma_it richt here in the midst
O folks whas delight wid be my doon faa.
But, richt roon aboot me are great muckle airms -
He poors in the i_le, tae cover it aa.

Noo guidness an' mercy are aye richt ahin me,
Gin it is daurk, or the heat o' the day.
Nae maiter hoo lang in this world I'll be traiket;
My hame's in the hoose o' the dear Lord for aye.

Version two…

23rd. Psalm in Scots

The Lord is my Shepherd in nocht am I wantin'
In the haugh's green girse does He mak me lie doon
While mony puir straiglers are bleatin' and pantin'
By saft-flowin' burnies He leads me at noon.

When aince I had strayed far awa in the bracken,
And daidled till gloamin' cam ower a' the hills,
Nae dribble o' water my sair drooth to slacken,
And dark grow'd the nicht wi' its haars and its chills.

Awa frae the fauld, strayin' fit-sair and weary,
I thocht I had naethin' tae dae but tae dee.
He socht me and fand me in mountain hechts dreary,
He gangs by fell paths which He kens best for me.

And noo, for His name's sake, I'm dune wi' a' fearin'
Though cloods may aft gaither and soughin' win's blaw.
"Hoo this?" or "Hoo that?" -- oh, prevent me frae spearin'
His will is aye best, and I daurna say "Na".

The valley o' death winna fleg me to thread it,
Through awfu' the darkness, I weel can foresee.
Wi' His rod and His staff He wull help me to tread it,
Then wull its shadows, sae gruesome, a' flee.

Forfochen in presence o' foes that surround me,
My Shepherd a table wi' denties has spread.
The Thyme and the Myrtle blaw fragrant aroond me,
He brims a fu' cup and poors oil on my head.

Surely guidness an' mercy, despite a' my roamin'
Wull gang wi' me doon tae the brink o' the river.
Ayont it nae mair o' the eerie an' gloamin'
I wull bide in the Hame o' my Faither for ever.

Version Three…

23rd Psalm - Shepherd's Version

Wha is my Shepherd, weel I ken
The Lord Himsel' is He;
He leads me whaur the girse is green,
An' burnies quaet that be.

Aft times I fain astray wad gang,
An' wann'r far awa';
He fin's me oot, He ptis me richt,
An' brings me hame an' a'.

Tho' I pass through the gruesome cleugh,
Fin' I ken He is near;
His muckle crook will me defen'
Sae I hae nocht to fear.

Ilk comfort whilk a sheep could need,
His thoctfu' care provides;
Tho' wolves an' dogs may prowl aboot,
In safety me He hides.

His guidness an' His mercy baith,
Nae doot will bide wi' me;
While faulded on the fields o' time,
Or o' eternity.

Thanks again to those who made this possible for all of us to share.

Al

This thread:

• [CLAN-FRASER] Scottish Psalm by b1caez01 <>